gunnlaugur@dominion.is

FRUMKVÖÐULL OG VIÐSKIPTARÁÐGJAFI

Gunnlaugur hefur víðtæka reynslu sem fjárfestir, ráðgjafi, frumkvöðull og stjórnarmaður í alþjóðlegu viðskiptaumhverfi. Hann hefur tekið þátt í uppbyggingu fjölbreyttra fyrirtækja, allt frá fjártækni og orkutengdum verkefnum til nýsköpunar í hugbúnaði, og stýrt flóknum verkefnum sem krefjast skýrrar stefnumótunar, fjárhagslegrar greiningar og árangursríkrar framkvæmdar. Starf hans hefur náð yfir fjölmörg lönd og atvinnugreinar og felur í sér leiðtogahlutverk í hraðvaxandi sprotum jafnt sem stærri félögum.

Gunnlaugur hefur komið að fjármögnun, stjórnarsetu, samningagerð og alþjóðlegum samstarfsverkefnum og nýtir dýpt og breidd í reynslu sinni til að styðja fyrirtæki við vöxt og umbreytingu. Hann er jafnframt stofnandi og stjórnandi í nokkrum nýsköpunarverkefnum og hefur áratugalanga þekkingu á fjármálamörkuðum, frumkvöðlastarfi og tækniþróun.

asgeir@dominion.is

LÖGMAÐUR OG VIÐSKIPTARÁÐGJAFI

Ásgeir hefur starfað sem lögfræðingur hjá ríkinu undanfarin ár þar sem hann hefur meðal annars sinnt lagalegri greiningu, innleiðingu regluverks og stefnumótun. Hann gegnir einnig stöðu framkvæmdastjóra hjá Reykjavík Fintech, þar sem hlúð er að nýsköpunarstarfi á sviði fjártækni. Hann sinnir verkefnum á sviði alþjóðlegs og evrópsks viðskiptaréttar, félagaréttar, fjármálaréttar, tryggingaréttar, almannatryggingaréttar og stjórnsýslu. Hann hefur búið lengi erlendis, einkum í Bretlandi og Austurríki, þar sem hann sinnti námi, kennslu og ýmsum verkefnum á sviði lögfræði og viðskipta. Erlend reynsla hans styrkir alþjóðlega sýn og skilning á ólíkum réttar- og viðskiptaumhverfum.

Menntun Ásgeirs spannar bæði lögfræði, viðskipti og heimspeki. Hann hefur Executive MBA-gráðu frá Háskólanum í Reykjavík, LLM-gráðu í alþjóðlegum viðskiptarétti frá Vínarháskóla, LLM-gráðu í tryggingarétti frá Southamptonháskóla og embættispróf í lögfræði frá Háskóla Íslands ásamt lögmannsréttindum. Hann lauk einnig doktorsprófi í heimspeki og bakgrunnur hans í hugmyndagreiningu og fræðistarfi nýtist í tengslum við nýsköpun, stefnumótun og greiningu flókinna úrlausnarefna.

freyr@dominion.is

LÖGMAÐUR OG VIÐURKENNDUR BÓKARI

Freyr hefur yfir tíu ára reynslu á sviði skattaráðgjafar, reikningsskila og félagaréttar. Hann lauk laganámi frá Háskóla Íslands og hefur hvorut tveggja lögmannsréttindi og bókararéttindi, sem saman mynda traustan grunn fyrir yfirgripsmikla þjónustu á sviði skatta, reikningsskila og fyrirtækjaréttar. Hann er jafnframt með bakgrunn í félagsfræði, sem styrkir skilning hans á hegðun og hagsmunum einstaklinga og fyrirtækja í flóknum reglu- og samningsumhverfum.

Freyr hefur unnið að skattaráðgjöf fyrir einstaklinga og fyrirtæki, þar á meðal skattskilum, ársreikningum og reglubundnu bókhaldi. Hann hefur farið með álit og úrlausn skattaréttarlegra álitaefna, tekið að sér málsvarnir og ágreiningsmál á sviði skatta og gjalda, og veitt ráðgjöf um félagarétt, viðskipti tengdra aðila og lagalega uppbyggingu félaga. Samspil lagalegrar sérþekkingar og bókhaldsreynslu gerir honum kleift að veita heildstæða leiðsögn þar sem lögfræðileg, fjárhagsleg og rekstrarleg sjónarmið eru samofin.